ⵜⵉⵍⵉⵜ ⵏ ⵜⵡⴰⵍⴰ ⵜⵉⵙⵙ 22 ⵏ ⵓⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ
ⴰⵙⵙ ⵏ ⵓⴽⵕⴰⵙ 21 ⵎⴰⵢⵢⵓ 2025, ⵉⵙⵏⵓⴱⴳ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵏ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ ⵉⵎⵓⵙⵙⵓⵜⵏ ⵏ ⵜⵡⴰⵍⴰ ⵜⵉⵙⵙ 22 ⵏ ⵓⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵙ ⵜⵏⴱⴰⴹⵜ ⵏ ⵎⴰⵙⵙ ⴰⵏⵎⵀⴰⵍ ⵏ ⵓⵡⴰⵏⴽ ⵖⵔ ⵜⵎⴰⵡⵙⴰⵙⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵖⵉⵡⵙ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵖⵔⵎ ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵎⴰⴳⵍⵏ ⵙ ⵜⵣⴷⵖⵜ.
ⵜⵜⴽⴽⴰⵏ ⴷⵉ ⵜⵉⵏⴰⵡⵜ ⴰⴷ ⵎⴰⵙⵙ ⴰⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ, ⴰⵏⴱⴱⴰⴹ ⵏ ⵜⵏⴱⴰⴹⵜ ⵏ ⵟⴰⵏⵊⴰ ⴰⵚⵉⵍⴰ, ⴷ ⵎⴰⵙⵙ ⴰⵏⴱⴱⴰⴹ ⵏ ⵜⵡⵉⵍⴰⵢⵜ ⵏ ⵍⴼⵃⵚ ⴰⵏⵊⵕⴰ, ⴰⵔ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⴽⴰⵍⴰⵏⵉⵏ ⴷ ⵜⵙⵇⵇⵉⵎⵉⵏ ⵜⵉⵎⵙⴽⴰⵔⵉⵏ, ⴷ ⵉⴳⵏⵙⴰⵙⵏ ⵏ ⵜⵎⵀⵍⵉⵡⵉⵏ ⵜⵉⵡⵉⵣⵉⵔⴰⵏⵉⵏ ⵉⵄⵏⴰⵏ ⴷ ⵜⵏⴼⵔⵓⵜⵉⵏ ⵜⵉⴱⵕⵕⴰⵏⵉⵏ.
ⵓⵔ ⵉⴳⵉ ⵓⵎⵓⵙⵙⵓ ⴰⴷ ⵖⴰⵙ ⴰⵙⵎⵏⵉⴷ ⵏ ⵜⴳⵔⴰⵡⵜ ⵏ ⵉⵙⵏⴼⴰⵔⵏ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⵏ ⵉⵙⴳⴳⵯⴰⵙⵏ 2023 ⴷ 2024, ⴷ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ ⵏ 2025 ⴷ ⴰⵔ ⵉⵍⵍⵓⴳⵏ 2027, ⴷ ⵓⵙⵏⴼⴰⵔ ⵏ ⵜⵎⵙⵙⵏⵜⵉⵜ ⵏⵏⵙ ⵏ ⵓⵙⴳⴳⵯⴰⵙ ⴰⴷ, ⵎⴰⵛⴰ ⵉⵙⵎⵓⵏ ⴰⵡⴷ ⴰⵙⵎⵏⵉⴷ ⵏ ⵜⵡⵓⵔⵉ ⵉⵜⵜⵎⵖⵓⵔⵏ ⵏ ⵜⵙⵏⵓⵔⵉ ⴳ ⵓⴳⵏⵙ ⵏ ⵓⵙⴰⵜⵉ ⴰⵎⵙⴷⴰⵡ, ⵙ ⵓⵙⵎⵉⵍ ⵏ ⵜⵡⵓⵔⵉⵡⵉⵏ ⵏⵏⵙ ⵉⴷⵓⵎⵏ ⴰⴼⴰⴷ ⴰⴷ ⵜⵙⵏⴼⵍ ⵜⵉⴳⴰⵡⵜ ⵏⵏⵙ ⴷ ⴰⴷ ⵜⵙⵎⵇⵇⵓ ⴰⴷⵖⴰⵔ ⵏⵏⵙ ⴷ ⴰⵎⵙⴽⴰⵔ ⴰⵎⴰⵜⵓ ⴳ ⵓⵙⵖⵉⵡⵙ ⴰⵎⵙⴷⴰⵡ.
ⵜⵏⴱⴰⵏ ⵜⴷⵉⵏⴰⵎⵉⵜ ⴰⴷ ⵙ ⵜⵏⵉⵍⴰ ⵙ ⵓⵙⵉⵡⵍ ⵏ ⵎⴰⵙⵙⴰ ⵜⴰⵏⵎⵀⴰⵍⵜ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵜⴰⴷ ⵉⴱⴹⴰⵏ ⴷ ⵡⵉⵏⵏⴰ ⵉⵍⵍⴰⵏ ⵉⵎⴰⵙⴽⴰⵔⵏ ⵉⵎⵇⵇⵔⴰⵏⵏ ⵏ ⵜⴳⴰⵡⵜ ⵉⵜⵜⵓⵙⴽⵍⵙⵏ ⴳ ⵙⵉⵏ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵙ ⵓⵙⴱⵖⵙ ⵏⵏⵙⵏ ⵅⴼ ⵎⵏⵏⴰⵡⵜ ⵜⵙⵖⵓⵏⵉⵏ ⵜⴰⵙⵜⵔⴰⵜⵉⵊⵉⵏ. ⴷ ⵙ ⵜⵎⵍⴷⴰ ⵏ ⵓⵙⴽⵜⵉ ⵡⵉⵙⵙ 28 ⵏ ⵓⵙⵏⴼⵍⵓⵍ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵜⵙⵎⵏⵉⴷ ⵎⴰⵙⵙⴰ ⵜⴰⵏⵎⵀⴰⵍⵜ ⴰⵡⴷ ⵜⴰⴳⵔⴰⵡⵜ ⵏ ⵉⵎⴰⵙⴽⴰⵔⵏ ⵉⵏⴰⴼⵍⵏ ⵏ ⵜⵙⵏⵓⵔⵉ ⴳ ⵜⵉⵣⵉ ⵏ 1997-2024, ⵙⵍⴰⵡⴰⵏ ⴰⴽⴽ ⴳ ⵉⴳⵔⴰⵏ ⵏ ⵓⵖⴰⵡⴰⵙ ⴷ ⵓⵙⵙⵓⴷⵙ ⵉⵖⵔⵎⴰⵏ, ⴷ ⵜⴰⵍⴰⵍⵜ ⵜⴰⵣⵔⴼⴰⵏⵜ ⴷ ⵜⴰⴽⴰⵍⴰⵏⵜ, ⴷ ⵓⵙⵙⵓⴷⵙ ⴰⵏⴱⴹⴰⵏ ⴷ ⵓⴷⵔⵉⵎ.
ⵉⵇⵇⴰⵏ ⴷ ⴰⵡⴷ ⴰⴷ ⵏⵙⵙⵉⵜⵉⵎ ⵎⴰⵙ ⵜⵡⴰⵍⴰ ⵜⵉⵙⵙ 22 ⵏ ⵓⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⵜⵜⵓⵙⵎⵏⵢⴰⴼⵜ ⵙ ⵓⵣⵎⵎⴻⵎ ⵏ ⵢⴰⵏ ⵓⵎⵙⴰⵙⴰ ⵏⴳⵔ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⴷ ⵓⵙⵇⵇⵉⵎ ⴰⵏⵎⵏⴰⴹ ⵏ ⵜⵔⴰⴱⴱⵓⵜ ⵏ ⵉⵎⵙⴽⴰⵔⵏ ⵉⵎⵇⵇⵔⴰⵏⵏ ⵏ ⵜⵙⴳⴰ ⵏ ⵟⴰⵏⵊⴰ. ⵉⵙⵡⵉ ⵏ ⵓⵎⵙⴰⵙⴰ ⴰⴷ ⴷ ⴰⵙⵎⵇⵇⵓ ⴷ ⵓⵙⴳⵎ ⵏ ⵜⴰⵙⵎⵓⵏⵉ ⵏ ⵓⵎⵢⴰⵡⴰⵙ ⴷ ⵓⵎⵙⴱⴹⵉ ⵉⵍⵍⴰⵏ ⵢⴰⴷ ⵏⴳⵔ ⵙⵉⵏ ⵉⴳⵉⵎⵏ. ⵙ ⵎⴰⵏ ⴰⵢⴰ, ⴳ ⵜⵙⵡⵉⵄⵜ ⵜⴰⵎⵣⵡⴰⵔⵓⵜ, ⵉⵄⵏⴰ ⵓⵎⵙⴰⵙⴰ ⵙⵉⵏ ⵉⴳⵔⴰⵏ ⵉⵎⵇⵇⵔⴰⵏⵏ, ⴰⵎⵣⵡⴰⵔⵓ ⵏⵏⵙⵏ ⴷ ⴰⵙⵏⴼⵔⵓ, ⵣⴷⴰⵜ ⴷ ⴷⴼⴼⵉⵔ, ⵏ ⵜⵎⵏⵏⴰⴹⵉⵏ ⵉⵄⵏⴰⵏ ⵜⵓⵜⵔⵉⵡⵉⵏ ⵏ ⵜⵙⵔⴰⴳ ⵏ ⵓⴱⵏⵏⵓ ⴷ ⵓⴱⴹⵓ ⵉⵜⵜⵓⵏⴼⴽⵏ ⵙⴳ ⵜⵙⵇⵇⵉⵎⵜ ⵏ ⵓⵖⵔⵎ. ⵉⵙⵉⵏ ⵉⴳⵔ ⵉⵄⵏⴰ ⴰⵏⴰⴹⵓ ⴰⵎⵙⴽⴰⵔ ⵖⵔ ⵜⵉⵔⵔⴰ ⵏ ⵓⵖⵔⵎ ⴷ ⵉⴼⵓⵢⵍⴰ ⵏ ⵉⴱⴹⵓⵜⵏ ⵉⵍⵍⴰⵏ ⵖⵔ ⵙⵉⵏ ⵉⴳⵉⵎⵏ.
ⴽⵎⵎⵍⵏ ⵉⵎⵓⵙⵙⵓⵜⵏ ⵏ ⵜⵡⴰⵍⴰ ⴰⴷ ⵙ ⵓⵙⵎⵏⵢⴰⴼ ⵙ ⵓⵎⴰⵏ ⵏ ⵓⵏⵇⵇⵉⵙ ⴰⵏⴼⴳⴰⵏ ⴷ ⵓⴷⵔⵉⵎ ⵏ ⵉⵙⴳⴳⵯⴰⵙⵏ 2023-2024, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ 2025 ⴷ ⴰⵔ ⵉⵍⵍⵓⴳⵏ 2027, ⴷ ⵓⵙⵏⴼⴰⵔ ⵏ ⵜⵎⵙⵙⵏⵜⵉⵜ ⵏ ⵓⵙⴳⴳⵯⴰⵙ ⴰⴷ.
ⵜⴽⵎⵎⵍ ⵜⵉⵏⴰⵡⵜ ⵙ ⵜⵖⵔⵉ ⵏ ⵜⴱⵔⴰⵜ ⵏ ⵜⴰⵏⵏⴰⵢⵜ ⵉⵜⵜⵓⵙⴰⵡⵍⵏ ⵉ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.