ⴰⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ
ⴰⵙⵙ ⵏ ⵓⵙⵉⵏⴰⵙ 03 ⴽⵜⵓⴱⵔ 2023, ⵜⵍⵍⴰ ⴳ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵏ ⵟⴰⵏⵊⴰ ⵜⵡⴰⵍⴰ ⵜⵉⵙⵙ 21 ⵏ ⵓⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵙ ⵜⵏⴱⴰⴹⵜ ⵏ ⵎⴰⵙⵙ ⵔⵉⴹⴰ ⴳⵏⵏⵓⵏ, ⴰⵎⴼⵜⵜⵛ ⴰⵎⴰⵜⴰⵢ ⵏ ⵜⵎⵀⵍⴰ ⵏ ⵓⵙⵖⵉⵡⵙ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵖⵔⵎ, ⴷ ⵙ ⵜⵉⵍⵉⵜ ⵏ ⵎⴰⵙⵙ ⴰⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ, ⴰⵏⴱⴱⴰⴹ ⵏ ⵜⵏⴱⴰⴹⵜ ⵏ ⵟⴰⵏⵊⴰ ⴰⵚⵉⵍⴰ, ⴷ ⵎⴰⵙⵙ ⴰⵏⴱⴱⴰⴹ ⵏ ⵜⵡⵉⵍⴰⵢⵜ ⵏ ⵍⴼⵃⵚ ⴰⵏⵊⵕⴰ, ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⴽⴰⵍⴰⵏⵉⵏ ⴷ ⵜⵙⵇⵇⵉⵎⵉⵏ ⵜⵉⵎⵙⴽⴰⵔⵉⵏ, ⴷ ⴰⵡⴷ ⵉⴳⵏⵙⴰⵙⵏ ⵏ ⵉⴳⵔⴰⵏ ⵉⵏⴱⴰⴹⴰⵏⵏ ⵉⵄⵏⴰⵏ ⴷ ⵜⵏⴼⵔⵓⵜⵉⵏ ⵜⵉⴱⵕⵕⴰⵏⵉⵏ.
ⵓⵔ ⵉⴳⵉ ⵓⵎⵓⵙⵙⵓ ⴰⴷ ⵖⴰⵙ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⴳⵔⴰⵡⵜ ⵏ ⵉⵙⵏⴼⴰⵔⵏ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⴳ ⵓⵙⴳⴳⵯⴰⵙ 2022 ⴷ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ 2023 ⴷ ⴰⵔ ⵉⵍⵍⵓⴳⵏ 2025, ⵎⴰⵛⴰ ⵉⴳⴰ ⴰⵡⴷ ⵜⴰⵎⵍⴷⴰ ⵏ ⵓⵙⵎⴽⵜⵉ ⵏ ⵡⴰⴷⵖⴰⵔ ⵉⵜⵜⵎⵖⵓⵔⵏ ⵉⵜⵜⴰⵎⵥ ⴳ ⵓⵍ ⵏ ⵓⵙⴰⵜⵉ ⴰⵎⵙⴷⴰⵡ, ⴷ ⵜⵡⵓⵔⵉ ⵜⴰⵎⵣⵡⴰⵔⵓⵜ ⵉⵜⵜⴳⴳ ⴳ ⵓⵎⵎⴰⵍ ⵏ ⵉⵎⵙⴽⴰⵔⵏ ⵎⵎⵓⵜⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⴷⵖⵔⴰⵏ, ⴰⴼⴰⴷ ⴰⴷ ⵜⵉⵍⵉ ⵜⴳⵎⵉ ⵉⵎⵙⴰⵙⴰⵏ ⴷ ⵉⵎⵙⵖⵓⵏⵏ ⵏ ⵡⴰⴽⴰⵍ ⵏⵏⵙ.
ⵙ ⵎⴰⵏ ⴰⵢⴰ, ⴳ ⵜⵉⵏⴰⵡⵜ ⴰⴷ, ⵜⵙⴽⵏ ⵎⴰⵙⵙⴰ ⵎⴰⵃⴰⵙⵉⵏ ⴱⴰⵔⴰⴽⴰ, ⵜⴰⵏⵎⵀⴰⵍⵜ ⵙ ⵜⵏⵉⵢⴰⴱⵜ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵜⵉⵡⵓⵔⵉⵡⵉⵏ ⵜⵉⵎⵇⵇⵔⴰⵏⵉⵏ ⵉⵜⵜⴳⴳ ⵜⵎⵔⵙⵍⵜ ⵏⵏⵙ ⴰⴼⴰⴷ ⴰⴷ ⵜⵙⵏⴼⵍ ⵜⴰⵏⴼⴼⵓⵜ ⵏⵏⵙ ⴷ ⴰⴷ ⵜⵔⴰⵔ ⵉ ⵜⵏⵉⵍⴰⵡⵉⵏ ⵏ ⵉⵎⵙⵙⵇⴷⴰⵛⵏ ⴷ ⵉⵎⵙⵖⵓⵏⵏ ⵏⵏⵙ, ⵙ ⵓⵙⴽⴽⵉⵏ ⵏ ⵓⵙⵎⵏⵉⴷ ⵏⵏⵙ ⵏⵏⴰ ⴳ ⵜⵙⴽⵏ ⵉ ⵉⵎⴹⴼⴰⵕⵏ ⵎⵏⵏⴰⵡ ⵉⵎⵙⴽⴰⵍⵏ ⵏ ⵜⵏⴼⴼⵓⵜ ⵏ ⵓⵙⴳⴳⵯⴰⵙ 2022 ⴷ ⵜⵉⴳⴰⵡⵉⵏ ⵜⵉⵎⵇⵇⵔⴰⵏⵉⵏ ⵉⵇⵇⴰⵏ ⴰⴷ ⵜⵜⵓⴳⴳⵏⵜ ⵉ ⴽⵕⴰⴹ ⵉⵙⴳⴳⵯⴰⵙⵏ ⵉⴷⴷⴰⵏ, ⵙ ⵎⵏⵏⴰⵡⵜ ⵜⵙⵖⵓⵏⵉⵏ ⵜⵉⴷⵙⵍⴰⵏⵉⵏ.
ⴽⵎⵎⵍⵏ ⵉⵎⵓⵙⵙⵓⵜⵏ ⵏ ⵜⵡⴰⵍⴰ ⵜⵉⵙⵙ 21 ⵏ ⵓⵙⵇⵇⵉⵎ ⵏ ⵓⵏⴱⴰⴹ ⵏ ⵜⵙⵏⵓⵔⵉ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⵙ ⵓⵙⵎⵏⵢⴰⴼ ⵙ ⵓⵎⴰⵏ ⵏ ⵓⵏⵇⵇⵉⵙ ⴰⵏⴼⴳⴰⵏ ⴷ ⵓⴷⵔⵉⵎ ⵏ ⵓⵙⴳⴳⵯⴰⵙ ⵉⵣⵔⵉⵏ, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵉⵙⴳⴳⵯⴰⵙⵏ 2023-2024-2025 ⴷ ⵓⵙⵏⴼⴰⵔ ⵏ ⵜⵎⵙⵙⵏⵜⵉⵜ ⵏ ⵓⵙⴳⴳⵯⴰⵙ ⴰⴷ. ⵙⵙⵉⵏ ⴽⵎⵎⵍⵏ ⵙ ⵜⵖⵔⵉ ⵏ ⵜⴱⵔⴰⵜ ⵏ ⵜⴰⵏⵏⴰⵢⵜ ⵉⵜⵜⵓⵙⴰⵡⵍⵏ ⵉ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.